《三命》

相片來源自ViuTV

《三命》中的第四命

最近viutv 劇集《三命》探討人生決定如何影響命運。係主角三條人生路線入面，不同人的出現、家庭事件、個人決擇，影響住佢人生發展。但決擇既重要性，係咪可以改變本來的人生宿命呢？

呢d錦哲學既問題，可能要交番比《好青年荼毒室》。但作為助產士既我都幾欣賞劇終產房戲既部分。呢個場景，我諗都係其中一樣令我當年放棄私院offer，去到公院接受助產士training既原因。

好奇心、使命感、參與別人生命中重要的moment。

人既出生係一個好奇妙既過程。由一粒受精卵開始，可能係受精個一刻已經做緊決定。決定得好健康成長，決定得差可能要中途離場。

七星仔，28週，好似我之前個post錦講，係現今既科技入面都好大機會救得到。但《what if》救唔到呢？

係真實既救仔過程入面，醫生護士都有一套standard去評估bb既心跳同呼吸。真係唔係每個出黎都一秒就喊，唔係每個出黎都好快心跳達標，有d出到黎又drop血糖，有d又無啦啦唔抖氣。

邊個控制？個天？定個bb自己？

我地救仔，有時會一邊救，一邊同佢講野：「你出左世嫁啦，加油啦，抖深d啦，唔抖氣拮一針都要喊下啦，抖順轉頭可以去媽咪到食奶啦。」

安撫未必有用，但我地都想比佢知道：人生既苦難開始了，係時候要努力啦。呢一刻，我覺得個bb係可以決定既，佢可以好努力錦吸一啖氣，之後順利開展人生。

但相反，可能就如《三命》錦樣，三個人生都未經歷到，就去左唔再有其他選擇既第四命。

The answer my friend, is blowing in the wind.