【10個人奶謬誤】

人奶謬誤其實仲有好多好多，

你聽過幾多個？ 1. 人奶唔夠營養，要加奶粉？

→ 正常健康媽媽嘅人奶已經足夠供應寶寶6個月內嘅營養，無需加添。

2. 人奶太稀，唔夠飽肚？

→ 人奶初段比較水，幫寶寶補水；後段脂肪高，兩者配合得天衣無縫。

3. 生病時要停止餵人奶？

→ 普通傷風感冒無需停奶，仲可以透過人奶傳遞抗體俾寶寶。服用藥物應告知醫生有餵人奶，避免處方對嬰兒有不良影響藥物。

4. 餵人奶一定唔可以飲咖啡？

→ 適量咖啡（每日少於200–300mg）對大多數媽媽同BB都係安全嘅。媽媽可以餵完奶後先飲，拉長飲後馬上餵奶既時間。

5. 要食好多補品先有奶？

→ 奶量主要靠寶寶吸吮刺激同媽媽荷爾蒙調節，均衡飲食就足夠。

6. 你個胸咁細，一定冇咩奶。

→ 胸部大小主要由脂肪量決定，唔影響乳腺組織。無論胸大定細，只要乳腺功能正常，奶量都足夠供應BB需要。

7. 想唔好塞奶，每次餵完奶都要揸清乳房。

→ 正常餵哺唔需要每次硬推硬搾，過度按摩反而會刺激發炎或損傷乳腺。只有當感覺局部積奶、疼痛時，先輕輕按摩協助。

每次餵完奶都清空乳房，乳房就會係接住既日子提高造奶量，不停再排空令乳房接收錯誤訊息，增加塞奶機會。

8. 個胸無脹奶感覺＝冇咩奶。

→ 一開始上奶期，可能會感到脹，但當母乳供需平衡後，乳房會變得柔軟舒服，唔代表冇奶！判斷奶量，應睇BB體重增長、尿片數量，唔係靠乳房感覺。

9. 餵人奶一定要食曬兩邊胸先夠飽？

→ 每次餵奶，應該一邊胸食到BB自然放開或滿足，而唔係強行兩邊都食。強迫轉邊可能令BB只飲到「前奶」（水分多、脂肪少），影響飽足感。

10. 你啲乳腺太幼，所以容易塞奶，要做多幾次通乳。

→ 乳管粗幼係個人差異，但唔係塞奶主要原因。塞奶真正原因通常係排奶唔暢順、餵奶姿勢問題、乳腺局部腫脹。無需要無限次「通乳」，應該針對成因正確處理，例如改善排奶、更正餵奶姿勢、減少局部壓力、適當護理。

你曾經聽過邊個謬誤？

留言同我分享！