個個都話餵人奶對媽媽好，會減少好多婦科病既機會。但點樣減少？原理係咩？要餵幾耐先會有效？

一般女性生完bb，胎盤完整排出後，雌激素水平就會慢慢下降。取以代之係泌乳素開始上升，身體開始產奶。加上bb吸啜，就有3-5日石頭胸既出現。

-如果唔餵人奶，泌乳素就會慢慢下降，由雌激素再主導番。

-如果餵人奶，泌乳素就會作為主導既荷爾蒙，持續供應bb食奶既需要。

持續高企既泌乳素(prolactin)，係會某程度抑制雌激素（estrogen）分泌。所以好多因為雌激素過高而生既婦科病，就會得到改善。

對於乳癌：

• 餵人奶會令媽媽體內雌激素水平降低，減少荷爾蒙反覆刺激乳腺組織，減少乳腺細胞過度增生

• 餵得越耐，保護力越高

• 世界衛生組織：每餵一年母乳，乳癌風險平均下降 4–7%

對於卵巢癌：

• 餵人奶會令排卵暫停一段時間

• 減少排卵次數 → 減少卵巢細胞損耗與修復機會

• 排卵愈頻密，細胞變異風險愈高

仲有咩病風險會降低？

• 子宮內膜異位症：餵人奶期間月經暫停，可抑制異位組織增長

• 2型糖尿病、高血壓、心血管病風險：餵人奶能促進代謝恢復與胰島素敏感度

要餵幾耐先有效？

• 研究建議：餵滿 6 個月以上效果最顯著

• 餵得越耐，預防效果越大（尤其係乳癌）

• 無論係全母乳、混合餵、泵奶，只要有餵，就有幫助！

上網好多人都有反映產後姑娘成日廹人餵人奶，好反感。一部分係因為醫院有要求，要每個產後既媽媽都起碼學過手擠奶同知悉人奶既好處。一部分就係姑娘其實都接受左好多知識既訓練，知道人奶有咩好野，唔想你錯過。

當然好多人都會因為生活同個人種種原因，有自己既決定，都應該要尊重。如果大家岩聽既，就可以接收下，如果覺得太煩都可以skip（雖然你已經睇到呢到）。希望大家都得到自己想要既產後時光😆

有咩重要得過可以自己自由選擇！