使用育嬰室被不友善對待

係threads見到有人話，使用育嬰室比人話耐同踢門，西人真係周圍都有。但我好彩埋身餵人奶2年，大部分遇到要使用既媽媽或爸爸都好好禮貌。

香港其實都唔係太多會全埋身既媽媽，我做過月子中心，堅決要全埋身既真係一隻手就數得曬。但如果佢一黎就話我唔想補奶粉住，我想夜晚都起身餵奶，我想再試下，我就知佢內心諗咩。

遇到呢d媽媽一定會盡我全力幫佢，更正唔適合既哺育姿勢、幫佢密密留意住bb體重、每日度黃疸、留意住大小便量。

唔知點解，係會有種成功感，亦有少少比左種祝福呢個媽媽既感覺。而佢地大部分最後都會成為左我既朋友，我育兒上有咩想分享都會搵佢地。

當你堅持緊一樣其他人未必會明白既野，係好孤獨，係好多質疑，有時甚至會懷疑埋自己，搵一個明白你既人係好重要。