咩係Delay Cord Clamping延遲剪臍帶？

BB出世後，BB肚同胎盤之間仲有條臍帶連住。延遲剪臍帶（Delay Cord Clamping）指既係——BB出生後唔即刻剪斷臍帶，等多少少時間，通常約 1 至 3 分鐘，外國有practice甚至會等到臍帶唔再跳動先剪。

延遲剪臍帶有咩好處？

• 增加血容量

延遲剪臍帶可以令 BB 接收到更多來自胎盤嘅血液，約多出 20–40%！

• 補充鐵質

增加的血容量提升BB體內的鐵質，有助預防出生後幾個月內出現缺鐵性貧血。

• 支持初生適應

臍帶入面仍有氧氣，延遲剪有助 BB 適應由子宮內轉到出生後外界的環境。

• 適合大多數初生嬰兒

研究指出，剖腹產或者早產BB，延遲剪臍帶都有可能帶來益處（需要配合個別情況去判斷）。

咩時候唔適合延遲剪臍帶？

如果BB出世後需要即時搶救、或媽媽出現嚴重出血，可能唔適合延遲剪臍帶。需要臨場由醫護人員作出判斷。

延遲剪臍帶有冇壞處？

延遲剪臍帶可能令 BB 攝取多d紅血球，分解時會產生較多膽紅素，可能增加黃疸機會。不過，大多數情況係輕微，醫院都會監察。

如果父母有意捐贈或儲存臍帶血，延遲剪臍帶可能會減少可收集的血量，要預先同醫護溝通。

想揀延遲剪臍帶要點做？

一般情況下，生產前填的birth plan會有相關選擇比你揀。又或者係產前檢查時，同醫護團隊講清楚你嘅意願，例如：「如無特別醫療需要，我希望為 BB 延遲剪臍帶。」

延遲剪臍帶係一個簡單又天然嘅方法，幫助BB平穩過渡到外面世界，為佢打好健康基礎，值得你了解多d！