胎盤殘留（Retained Placenta）

什麼是胎盤殘留？

胎盤殘留（Retained Placenta）指的是生產後胎盤未能在合理時間內完全排出，部分組織仍留在子宮內。通常應該在分娩後30分鐘內自然娩出胎盤，否則就可能需要醫療介入。

一般自然分娩中約有 2% 至 3% 的機會出現胎盤殘留。

常見徵狀包括：

• 分娩後持續大出血

• 子宮收縮不良

• 陰道流出帶有異味的血水

• 感覺虛弱、頭暈，甚至發燒（感染跡象）

如何降低風險？

• 有風險者（如前胎曾有胎盤殘 留、早產、胎盤植入風險）需提前評估與準備

• 生產後，助產士或醫生會檢查胎盤是否完整排出

• 留院觀察期間，應密切留意陰道流血情況及子宮收縮情況

• 若需人工剝離胎盤，必須在無菌及麻醉下進行，降低感染與出血風險

❤️

突登留番呢個topic係母親節先出，因為我媽生我既時候就係遇到胎盤殘留。就算過左30幾年後，佢都依然非常記得當日點緊急、醫生點樣將成隻手伸入佢子宮入面將個胎盤攞番出黎。

每次係產房見到班女人身體忍受住極大既痛苦，心靈面對住極大恐懼，都勇敢向前衝（Push）。内心都會問，痛苦給予一個咩意義比母親呢個身份，又係咩令到佢地可以勇敢克服生產當中重重既困難同不安？我諗只有親身經歷過既人先可以明白。

除左係生產既時候empower媽媽，產房工作都好著重媽媽生完，番去產後房之前既整理。一定要幫每個太太換番件乾淨衫、抹乾淨塊面、梳番好個頭（產房真係有梳）。仿佛同每一位媽媽講：踏出左產房，身份已經唔一樣。但就算成為左媽媽，你都依然可以貪靚、依然可以軟弱、依然可以追求自己想要既生活模樣。